64 წლის შემდეგ...
სეზონის პირველ "კლასიკოში", "ბარსელონამ" მადრიდის "რეალი" 5-1 გაანადგურა. ასეთი სხვაობა, რა თქმა უნდა, არც ისე ხშირად ფიქსირდება და ბოლო შემთხვევიდან, როცა "ბარსამ" მთავარი მეტოქე ამ ანგარიშით დაამარცხა, 64 წელია გასული.
1964 წლის 2 თებერვალს, ფერდინანდ დაუჩიკის მიერ გაწვრთნილი "ბარსელონა" "რეალს" "ლეს კორტზე" მასპინძლობდა. ალფრედო დი სტეფანოს გოლით "თეთრები" დაწინაურდნენ, თუმცა კატალონიელებმა თამაშის ბედი რადიკალურად შემოატრიალეს. დარჩენილ დროში სეზარმა, მორენომ, მანჩონმა და ტეხადამ (2-ჯერ) მეტოქეს 5 უპასუხო ბურთი გაუტანეს.
ანგარიში ზუსტად ახლო წარსულში გამართულ მატჩებს არ ემთხვევა, თუმცა "რეალის" განადგურება "ბლაუგრანასთვის" ახალი ნამდვილად არ არის: 1994 და 2010 წელს, "კამპ ნოუზე", მასპინძლებმა 5-0 მოიგეს, "ბერნაბეუზე" კი სხვადასხვა წლებში 3-0, 6-2 და 4-0.
ამ სიახლეზე კომენტარები გათიშულია.
კომენტარები [ 9 ]