ესპანეთის თასზე "ბარსას" სავარაუდო მეტოქეები ცნობილია

ხვალ, 19 ოქტომბერს, ესპანეთის თასის 1/16-ფინალის წილისყრა გაიმართება. გათამაშებაში სწორედ ამ ეტაპიდან ერთვება ბოლო ოთხგზის გამარჯვებული "ბარსელონა".

"ბარსელონას" 6 სავარაუდო მეტოქე ჰყავს - მე-3 დივიზიონიდან "ებრო", "ვილიანოვენსე", "კულტურალი", "რასინგი" და "მელილა" და მე-4 დივიზიონიდან თასს შემორჩენილი ერთადერთი წევრი, ასევე ბარსელონური "სან ანდრეუ."

პირველი თამაში, მეტოქის მოედანზე, 31 ოქტომბერს გაიმართება, ხოლო განმეორებითი, "კამპ ნოუზე", 5 დეკემბერს.