ესპანური პრესა: ნეიმარის დაბრუნება რეალურია
ესპანური პრესა ეხმაურება გუშინ გავრცელებულ ინფორმაციას, რომლის თანახმადაც, ნეიმარს "ბარსელონაში" დაბრუნება სურს. როგორც ირკვევა, ყველა ადგილობრივი გამოცემა თანხმდება, რომ ბრაზილიელის კატალონიაში დაბრუნება რეალურია.
RAC1-ის ინფორმაციით, გასულ ზაფხულში, ჟოზეპ მარია ბართომეუ "ბარსას" ლიდერებს შეხვდა და ნეიმარის დაბრუნებაზე მათი აზრი მოისმინა. როგორც გაირკვა, ლიდერები ტრანსფერის მომხრეები არიან.
SER-ის ინფორმაციით, ნეიმარს "პარი სენ-ჟერმენის" პრეზიდენტთან, ნასერ ალ ხელაიფისთან აქვს შეთანხმება, რომლის თანახმადაც, ფეხბურთელს შეუძლია გუნდი მომდევნო ზაფხულში 220 მილიონ ევროდ დატოვოს და "ბარსა" ამ სიტუაციას აკვირდება.
იმავე წყაროს ცნობით, გასულ ზაფხულში ნეიმარი კატალონიელთა ხელმძღვანელობას დაბრუნებას სთხოვდა.
Mundo Deportivo-ს ინფორმაციით, ბრაზილიელი ვარსკვლავის დაბრუნების მომხრეები არიან გულშემატკივრებიც. გამოკითხვაში მონაწილეობა 16 693-მა ადამიანმა მიიღო და მათი 64.05% ტრანსფერის მომხრეა.
ამ სიახლეზე კომენტარები გათიშულია.
კომენტარები [ 35 ]