შეჯამება: "ბარსელონას" ფეხბურთელების თამაში ნაკრებებში
წარმოგიდგენთ, 2018/19 წლების სეზონის მეორე სანაკრებო დაპირისპირებების შეჯამებას "ბარსელონას" ფეხბურთელებისთვის.
უსმან დემბელე (საფრანგეთი) - ფრანგმა სულ 67 წუთი ითამაშა ისლანდიასთან (2-2) შეხვედრაში. მან ასევე ითამაშა გერმანიის წინააღმდეგ - უსმანი თამაშში 86-ე წუთზე ჩაერთო.
მარკ-ანდრე ტერ შტეგენი (გერმანია) - მან ჰოლანდიის და საფრანგეთის წინააღმდეგ მთელი თამაში სკამზე გაატარა.
იასპერ სილესენი (ჰოლანდია) - სილესენმა გერმანიის (3-0) და ბელგიის (1-1) წინააღმდეგ მატჩებში შეუცვლელად ითამაშა.
ტომას ვერმალენი (ბელგია) - მან ითამაშა შვეიცარიის წინააღმდეგ სასტარტო შემადგენლობიდან და მიიღო ტრავმა 73-ე წუთზე, რის გამოც მოედნის დატოვება მოუწია.
სერხიო ბუსკეტსი (ესპანეთი) - მან უელსის წინააღმდეგ თამაში (4-1) სათადარიგოთა სკამზე გაატარა, თუმცა შეუცვლელად ითამაშა ინგლისის წინააღმდეგ (2-3).
ივან რაკიტიჩი (ხორვატია) - რაკიტიჩმა ინგლისის წინააღმდეგ(0-0) ითამაშა 90 წუთი, თუმცა დაისვენა იორდანიის წინააღმდეგ (2-1)
ფილიპე კოუტინიო (ბრაზილია) - კოუტინიომ საუდის არაბეთის წინააღმდეგ მატჩი (2-0) სასტარტო შემადგენლობიდან დაიწყო და 72-ე წუთზე შეცვალეს. მის ნაცვლად კი არტური გამოვიდა. ფილიპემ არგენტინასთან მატჩი შეუცვლელად ითამაშა (1-0).
არტური (ბრაზილია) - როგორც აღვნიშნეთ, ის საუდის არაბეთის წინააღმდეგ მატჩში 72-ე წუთზე ჩაერთო. კოუტინიოს მსგავსად, არტურმაც არგენტინის წინააღმდეგ მატჩი სრულად ჩაატარა.
მალკომი (ბრაზილია) - ის არგენტინის და საუდის არაბეთის წინააღმდეგ სათადარიგო ფეხბურთელი იყო.
ამ სიახლეზე კომენტარები გათიშულია.
კომენტარები [ 4 ]