პიმიენტა: მინდა, კარლეს ალენია ძირითად გუნდში მალე დაბრუნდეს

სარეზერვო გუნდის მთავარი მწვრთნელი, ჩავი გარსია პიმიენტა კარლეს ალენიაზე საუბრობს. 

"კარლესი პირველი გუნდის წევრია, მაგრამ იმის გამო, რომ მძიმე ტრავმა გადაიტანა, დროებით "ბარსა ბ"-ს ეხმარება. ვმუშაობთ იმისთვის, რომ ის რაც შეიძლება მალე იყოს მზად. 

ამ კვირაში, მან ჩვენთან ერთად ორ სესიაში მიიღო მონაწილეობა, მაგრამ მინდა, რომ ის ძირითად შემადგენლობას რაც შეიძლება მალე შეუერთდეს. 

ჩვენ ვსაუბრობთ 20 წლის მოთამაშეზე, რომელმაც მთელი ცხოვრება "ბარსაში" გაატარა, ახლა კი რიტმში ჩაჯდომის სურვილი აქვს. ძალიან მომწონს, როცა ის საკუთარ ფეხბურთს თამაშობს და იმედი მაქვს, თავის ადგილს მალე დაიკავებს". - აცხადებს პიმიენტა.