ჟერარ პიკე მსაჯს: ისტორია ყველაფერზე თავისით ლაპარაკობს
ესპანელმა ჟურნალისტებმა ჟერარ პიკესა და "ჟირონასთან" მატჩის მთავარ არბიტრს, ხესუს ხილ მანსანოს შორის თამაშის შესვენებაზე გამართული დიალოგი გაშიფრეს.
როგორც იცით, "ჟირონასთან" მატჩის პირველ ტაიმში მანსანომ კლემან ლანგლეს წითელი ბარათი უჩვენა. ამის მიზეზად მან მეტოქისთვის იდაყვის ჩარტყმა დაასახელა.
Sport-ის ცნობით, პიკესა და მანსანოს შორის ასეთი დიალოგი გაიმართა:
პიკე: გულწრფელად ფიქრობ, რომ მან ეს განზრახ გააკეთა?
მანსანო: მისმინე - ჩემი შეფასებით, მან იდაყვი მოიქნია და მან ეს იცოდა.
პიკე: გულწრფელად... ისტორია ყველაფერზე თავისით ლაპარაკობს.
პიკეს ბოლო ფრაზა, სავარაუდოდ, ხესუს ხილ მანსანოს მიერ "ბარსელონას" ფეხბურთელების გაძევების ისტორიას ეხება. ბოლო 3 წლის განმავლობაში, მანსანომ წითელი ბარათი ლუის სუარესს, სერჟი რობერტოს, დანი ალვესს, ნეიმარსა და ახლა უკვე კლემან ლანგლეს უჩვენა. სერჟი რობერტოს გარდა, ყველა შემთხვევა მინიმუმ საკამათო იყო.
ამ სიახლეზე კომენტარები გათიშულია.
კომენტარები [ 13 ]