B ჯგუფიდან, "ბარსას" გარდა, ყველამ მოიგო
ჩემპიონთა ლიგის B ჯგუფის წევრებმა გასული უქმეები წარმატებით დაიწყეს და ერთადერთი გუნდი, რომელმაც საკუთარ ჩემპიონატში ვერ მოიგო, ჯგუფის ფავორიტი და ლიდერი "ბარსელონაა".
პსვ
ყველაზე შთამბეჭდავი და მნიშვნელოვანი გამარჯვება პსვ-მ იზეიმა. ჩემპიონთა ლიგის პირველ ტურში "ბარსელონასგან" განადგურებულმა ეინდჰოვენელებმა ჯავრი ერედივიზიონში უშუალო კონკურენტზე და ჰოლანდიური ფეხბურთის მთავარ გრანდზე, "აიაქსზე" იყარეს. პსვ-მ ამსტერდამელები 3:0 გაანადგურა, 100%-იანი შედეგი შეინარჩუნა და უახლოეს მდევარს, რომელიც სწორედ "აიაქსია", 5 ქულით გაასწრო.
ტოტენჰემი
ზედიზედ 2 წაგების შემდეგ, პრემიერ ლიგაში მოიგო "ტოტენჰემმა", რომელიც "ბრაიტონს" ეწვია. ლონდონელებმა, კეინისა და ლამელას გოლებით, 2:1 მოიგეს და მე-5 ადგილზე გადაინაცვლეს.
ინტერი
სერია A-ს მე-5 ტურში რთული გასვლა ჰქონდა "ინტერს". მილანელებმა, გენუაში "სამპდორიასთან" გამართული მატჩი 94-ე წუთზე ბროზოვიჩის მიერ გატანილი ერთადერთი გოლით მოიგეს და მე-9 ადგილზე გადაინაცვლეს.
ჩემპიონთა ლიგის მე-2 ტურში, 3 ოქტომბერს, 23:00 საათზე, "ტოტენჰემი" "ბარსელონას", ხოლო პსვ "ინტერს" უმასპინძლებს.
ამ სიახლეზე კომენტარები გათიშულია.
კომენტარები [ 7 ]