"ბარსელონა" ლა ლიგის ერთპიროვნული ლიდერია

ლა ლიგის მე-4 ტურის წინ, 100%-იანი შედეგი "ბარსელონას" გარდა მხოლოდ მადრიდის "რეალს" ჰქონდა. ამ ტურის შეხვედრა ორივე გუნდმა ბასკეთში ჩაატარა. კატალონიელებმა "სოსიედადთან" რთული გამარჯვება მოიპოვეს, "რეალმა" კი ბილბაოს "ატლეტიკთან" 3 ქულა ვერ აიღო. 

პირველი ტაიმი მადრიდელებმა საერთოდ წააგეს (მუნიაინი, 32'), მაგრამ მეორე ნახევარში საკუთარი გუნდი დამარცხებას ისკომ (63') გადაარჩინა. 

შედეგად, "ბარსელონა" უახლოეს მდევარს უკვე ორი ქულით უსწრებს და სეზონში პირველად, პრიმერა დივიზიონის ერთპიროვნული ლიდერია. 

რაც შეეხებათ სხვა კონკურენტებს, "ატლეტიკოს" 4 მატჩში მხოლოდ 5 ქულა აქვს და ოთხეულში არაა, ცხრილის სათავესთან მიახლოების ყველაზე კარგი შანსი კი ვიგოს "სელტას" აქვს. თუ გალისიელები დღეს სტუმრად "ჟირონას" დაამარცხებენ, ქულებით "რეალს" გაუთანაბრდებიან.