როგორ დაკარგა "ბარსელონამ" 6.66 მილიონი
არსებობს ასეთი ადამიანი - ანდრე კური. ის "ბარსელონას" თანამშრომელია და კატალონიურ კლუბს სამხრეთ ამერიკიდან ფეხბურთელების გადაბირებაში ეხმარება.
ბუნებრივია, ანდრე კურის ხელფასიც აქვს და ის მის მიერ განხორციელებული ტრანსფერებიდანაც ღებულობს შემოსავალს. მაგრამ არსებობს შემთხვევები, როდესაც კური "ბარსელონადან" არცთუ მცირე თანხას იმ ტრანსფერებიდანაც იღებს, რომლის განხორციელებაშიც მას მონაწილეობა არ მიუღია. ასე მაგალითად, ნეიმარის "ბარსელონადან" "პარი სენ-ჟერმენში" გადასვლა.
SER-ის ინფორმაციით, 2012 წელს, "ბარსელონას" მაშინდელმა პრეზიდენტმა, სანდრო როსელმა ანდრე კურისთან გააფორმა ხელშეკრულება, რომლითაც მან ვალდებულება აიღო, რომ ნეიმარის "ბარსელონაში" გადასვლის შემთხვევაში, ბრაზილიელის მომდევნო ტრანსფერიდან 3%-ს კური მიიღებდა.
2017 წლის ზაფხულში, ნეიმარი "ბარსელონადან" "პარი სენ-ჟერმენში" 222 მილიონ ევროდ გადავიდა, ამ თანხის 3%, ანუ 6.66 მილიონი ევრო, კლუბმა ყოფილი პრეზიდენტის მიერ გაცემული პირობის გამო, ანდრე კურის გადაურიცხა.
ამ სიახლეზე კომენტარები გათიშულია.
კომენტარები [ 2 ]