"ბარსას" ალბას მაღალი დონის რეზერვისტის იაფად ყიდვა შეუძლია
გავრცელებული ინფორმაციით, ერნესტო ვალვერდეს სურს, რომ "ბარსელონამ", ზამთარში, ჟორდი ალბას რეზერვისტი შეიძინოს, რადგან კატალონიელ მარცხენა მცველს ალტერნატივა არ აქვს.
კატალონიური Mundo Deportivo ოთხ საკმაოდ გამოცდილ და მაღალი დონის ფეხბურთელს ასახელებს, რომლებსაც კონტრაქტი მიმდინარე სეზონის ბოლოს უმთავრდებათ და რომლებსაც შეუძლიათ ჟორდი ალბას რეზერვისტობა ითავონ.
ეს ფეხბურთელები არიან:
მადრიდის "ატლეტიკოს" 33 წლის მარცხენა მცველი ფილიპე ლუისი;
ლონდონის "არსენალის" 32 წლის მარცხენა მცველი ნაჩო მონრეალი;
"ლივერპულის" 26 წლის მარცხენა მცველი ალბერტო მორენო;
"მანჩესტერ იუნაიტედის" 28 წლის მარჯვენა მცველი მატეო დარმიანი, რომელსაც დაცვის მარცხენა ფლანგზე თამაშიც შეუძლია.
ოთხივე ამ ფეხბურთელს კონტრაქტი 2019 წლის ივნისში უმთავრდება და მათი იანვარში ყიდვა იაფი ეღირება.
ამ სიახლეზე კომენტარები გათიშულია.
კომენტარები [ 11 ]