კიდევ ერთი ფრანგი "ბარსელონაში"?

საფრანგეთის ეროვნული ნაკრების ახალგაზრდა მარჯვენა მცველმა, ბენჟამინ პავარმა, შესაძლოა, კარიერა "ბარსელონაში" განაგრძოს.

Mundo Deportivo-ს ინფორმაციით, 22 წლის ფეხბურთელმა კატალონიელებს საკუთარი სამსახური თავად შესთავაზა.

პავარი, ამჟამად, "შტუტგარტში" თამაშობს და 2019 წლის ზაფხულში მისი გამოსასყიდი თანხა მხოლოდ 35 მილიონი ევრო იქნება, კონკურენციას კი "ბარსას" მიუნხენის "ბაიერნი" გაუწევს.

ბენჟამინ პავარი "შტუტგარტში" 2016 წელს, "ლილიდან" გადავიდა. გერმანული გუნდის მაისურით მან 57-ჯერ ითამაშა და 2-ჯერ გაიტანა.

პავარს საფრანგეთის ნაკრებში უკვე 12-ჯერ უთამაშია. მის ანგარიშზე ერთი გოლია - გემახსოვრებათ, შედევრი მსოფლიო ჩემპიონატზე, არგენტინასთან მატჩში.

ამჟამად "ბარსელონაში" 3 ფრანგი თამაშობს - უსმან დემბელე, კლემან ლანგლე და სამუელ უმტიტი.