ერნესტო ვალვერდე პეპ გვარდიოლას ნაკვალევზე
"ბარსელონას" დამრიგებელი ერნესტო ვალვერდე, ახალ კონტრაქტთან დაკავშირებით, გადაწყვეტილების მიღებას არ ჩქარობს. ამ ინფორმაციას Sport ავრცელებს.
ვალვერდეს "ბარსელონასთან" ხელშეკრულება მიმდინარე სეზონის ბოლომდე აკავშირებს. ცნობილია, რომ კატალონიელები 54 წლის სპეციალისტს ახალ კონტრაქტს სთავაზობენ, მაგრამ თავად ვალვერდე გადაწყვეტილების მიღებას არ ჩქარობს. მას სურს, კლუბს პასუხი 2019 წლის დასაწყისში გასცეს. ხელმძღვანელობა მოვლენების ასეთ განვითარებაზე თანახმაა და ვალვერდეს არ აჩქარებს.
შეგახსენებთ, რომ ზუსტად ასეთი სიტუაცია იყო შექმნილი პეპ გვარდიოლასთან დაკავშირებითაც. 2008 წელს, ლეგენდარულმა კაპიტანმა კლუბთან 2-წლიანი კონტრაქტი გააფორმა და პირველივე სეზონში ყველაფრის მოგების შემდეგ განაცხადა, რომ არ იცოდა, დარჩებოდა თუ არა კლუბში. საბოლოოდ, 2010 წლის იანვარში, პეპმა ხელშეკრულების გაგრძელების გადაწყვეტილება მიიღო.
ამ სიახლეზე კომენტარები გათიშულია.
კომენტარები [ 6 ]