ვინ შეცვლის ივან რაკიტიჩს?

"ბარსელონამ" გუნდის ერთ-ერთი ლიდერის, ივან რაკიტიჩის შემცვლელად, რომლითაც აქტიურადაა დაინტერესებული ფრანგული "პარი სენ-ჟერმენი", 4 კანდიდატი შეარჩია.

ბოლო დროს რაკიტიჩის "პარი სენ-ჟერმენში" შესაძლო ტრანსფერზე ბევრი იწერება. გავრცელებული ინფორმაციით, პარიზულმა კლუბმა კატალონიურ გრანდს 30 წლის ნახევარმცველთან მოლაპარაკებების ნებართვა სთხოვა და ფეხბურთელში 90 მილიონი ევრო შესთავაზა.

Sport-ის ცნობით, იმ შემთხვევაში, თუ ხორვატი შუახაზელი "ბარსელონას" დატოვებს, კატალონიელები მზად იქნებიან ფრენკი დე იონგის, ადრიან რაბიოს, დანი პარეხოს ან ანდერ ერერას შეძენას შეეცადონ.