"ბარსელონამ" "დორტმუნდს" 5 მილიონი გადაუხადა
"ბარსელონამ", გერმანულ "დორტმუნდს", უსმან დემბელეს ტრანსფერის მორიგი 5 მილიონი ევრო გადაურიცხა.
უსმან დემბელე "ბარსელონაში" გასულ ზაფხულში, 105+40 მილიონი ევროს სანაცვლოდ გადავიდა. კატალონიელებმა ბონუსების სახით გათვალისწინებული 40 მილიონიდან 5 მილიონი გერმანელებს მას შემდეგ გადაუხადეს, რაც გუნდმა ჩემპიონთა ლიგის საგზური მოიპოვა. მორიგი 5 მილიონის გადახდის ვალდებულება "ბარსას" "ალავესთან" მატჩის შემდეგ წარმოეშვა, რადგან ეს იყო 25-ე ოფიციალური თამაში, რომელიც ფრანგმა შემტევმა კატალონიელთა მაისურით ჩაატარა.
დანარჩენი 30 მილიონი ასეა გადანაწილებული: 5 მილიონი 50 თამაშის ჩატარებაზე; 5 მილიონი 75 თამაშის ჩატარებაზე; 5 მილიონი 100 თამაშის ჩატარებაზე; 5 მილიონი მომდევნო სეზონში ჩემპიონთა ლიგაზე გასვლაზე; 5 მილიონი ჩემპიონთა ლიგის ერთხელ მოგებაზე; 5 მილიონი ჩემპიონთა ლიგის მეორედ მოგებაზე.
ამ სიახლეზე კომენტარები გათიშულია.
კომენტარები [ 6 ]