ჟოზეპ მარია ბართომეუ: წინ ისტორიული წელი გველის
"ბარსელონას" პრეზიდენტმა, ჟოზეპ მარია ბართმეუმ, კატალონიური კლუბის ფანკლუბებთან დღეს გამართული შეხვედრის დროს, რამდენიმე საკითხზე ისაუბრა.
სიტყვით გამოსვლა მან ანდრეს ინიესტასადმი მიმართვით დაიწყო: "ანდრეს, როდესაც იაპონიიდან დაბრუნდები, "ბარსელონაში" დაგელოდებით. კლუბში რამდენიმე რამ გაქვს გასაკეთებელი, რაზეც უკვე ვისაუბრეთ."
"ახალ სეზონს დიდი ენთუზიაზმით ვხვდებით. წინ სპორტული და სოციალური გამოწვევები გველის.
ვალვერდე? მას დიდ პატივს ვცემთ. მას ძალიან მკაფიო იდეები აქვს. ის, ჩვენი გუნდისთვის, დიდებული მწვრთნელია. ახალ სეზონს მოუთმენლად ველი. დარწმუნებული ვარ, წინ ისტორიული წელი გველის.
კიდევ შენაძენები? სატრანსფერო ფანჯარა ჯერ კიდევ ღიაა და 31 აგვისტომდე ყურადღებით ვიქნებით.
"ლა მასია" მუშაობს. ვისაც ამის არ სჯერა, ვიწვევ "სიუტატ ესპორტივაზე" და "იოჰან კრუიფის" სტადიონზე."
ამ სიახლეზე კომენტარები გათიშულია.
კომენტარები [ 4 ]