TyC: გამპერის თასზე "ბარსელონას" მეტოქე "ბოკა ხუნიორსი" იქნება
როგორც იცით, ყოველი სეზონის წინ "ბარსელონას" მონაწილეობით ერთმატჩიანი ამხანაგური ტურნირი, ჟოან გამპერის თასი იმართება. ამ შეხვედრის თარიღი ცნობილია: მატჩი 15 აგვისტოს შედგება. კატალონიელების მეტოქის ვინაობა ჯერჯერობით უცნობია.
TyC Sports-ზე დაყრდნობით, კატალონიური Sport ავრცელებს ინფორმაციას, რომ "ბარსა" სათამაშოდ არგენტინულ "ბოკა ხუნიორსს" მოიწვევს. თუ ეს ცნობა გამართლდა, ეს მატჩი ამ გუნდებს შორის ამ ტურნირზე მესამე იქნება. აქამდე ჩატარებულ ორ მატჩში ესპანელებს 100%-იანი შედეგი აქვთ. პირველად, "ბარსელონა" "ბოკას" 2003 წელს დაუპირისპირდა. მაშინ შეხვედრის ბედი თერთმეტმეტრიანებში გადაწყდა, მეორედ კი 2008 წელს და ის მატჩი 2-1 დასრულდა.
ერთი წლის წინ, გამპერის თასზე "ბარსელონა" "შაპეკოენსეს" ეთამაშა. ერნესტო ვალვერდეს გუნდმა მეტოქეს ხუთი უპასუხო ბურთი გაუტანა.
ამ სიახლეზე კომენტარები გათიშულია.
კომენტარები [ 8 ]