ესპანეთის ნაკრები რუსეთთან პენალტების სერიაში დამარცხდა
მერვედფინალური ეტაპის მეორე დღეს, მსოფლიო ჩემპიონატზე დიდი სენსაცია დაფიქსირდა: ესპანეთის ნაკრები ასპარეზობას მასპინძელმა რუსეთმა გამოთიშა.
ესპანელებმა თამაში კარგად დაიწყეს და მე-12 წუთზე სერგეი იგნაშევიჩის ავტოგოლით დაწინაურდნენ კიდეც, ტაიმის მიწურულს კი არტიომ ძიუბამ ანგარიში პენალტით გაათანაბრა. "ფურია როხა" ამის შემდეგაც დიდ უპირატესობას ფლობდა, მაგრამ ვერც მეორე ტაიმში და ვერც დამატებით დროში მათ შეტევაში ღირებული ვერაფერი შექმნეს.
თერთმეტმეტრიანების სერიაში ფერნანდო იეროს გუნდის მხრიდან ანდრეს ინიესტამ, ჟერარ პიკემ და სერხიო რამოსმა გაიტანეს, კოკეს და იაგო ასპასს კი მეკარემ აუღო. რუსებმა ყველა დარტყმა გამოიყენეს და შედეგად, მეოთხედფინალის საგზურიც მოიპოვეს.
ინიესტას, ალბას, ბუსკეტსის და პიკესთვის, ეს, დიდი ალბათობით, მუნდიალზე ჩატარებული ბოლო შეხვედრა იყო.
რუსეთის მომავალი მეტოქე დღესვე გაირკვევა. ივან რაკიტიჩის ხორვატია დანიას დაუპირისპირდება.
![ურუგვაის ნაკრები ჯგუფიდან 100%-იანი შედეგით გავიდა [ვიდეო]](/uploads/posts/2018-06/thumbs/1529946805_b.jpg "ურუგვაის ნაკრები ჯგუფიდან 100%-იანი შედეგით გავიდა [ვიდეო]")
ამ სიახლეზე კომენტარები გათიშულია.
კომენტარები [ 39 ]