ესპანეთის სუპერ თასის მატჩს, სავარაუდოდ, "კამპ ნოუ" უმასპინძლებს

ესპანეთის სუპერ თასის 2018 წლის გათამაშება, შესაძლოა, ერთ მატჩად, "კამპ ნოუზე" გაიმართოს. ამ ინფორმაციას Mundo Deportivo ავრცელებს.

ლა ლიგამ სუპერ თასის თარიღებად 5 და 12 აგვისტო განსაზღვრა. მაგრამ "ბარსელონას" 4 აგვისტოს, ხოლო "სევილიას" 7 აგვისტოს საერთაშორისო ჩემპიონთა თასის თამაშები აქვთ და 5 აგვისტოს თამაში ვერ ხერხდება.

აქამდე გავრცელებული ინფორმაციით, განიხილებოდა ერთი თამაშის "ვანდა მეტროპოლიტანოზე" ჩატარება, მაგრამ ბოლო ცნობებით, შეხვედრის არენა, დიდი ალბათობით, "კამპ ნოუ" იქნება, სადაც თამაში 12 აგვისტოს გაიმართება.

გამოდის, რომ უბრალოდ 5 აგვისტოს გასამართი შეხვედრა გაუქმდება.