მესი მსოფლიოს მე-4 ყველაზე ძვირადღირებული ფეხბურთელია
საფეხბურთო კვლევითმა ორგანიზაციამ (CIES) ფეხბურთელთა ღირებულებების ცხრილი განაახლა. ახალ რეიტინგში, ლიონელ მესი მე-4 ადგილზეა. მას ჰარი კეინი, ნეიმარი და კილიან მბაპე უსწრებენ.
ფეხბურთელისთვის ფასის მინიჭების დროს ბევრი ფაქტორია გათვალისწინებული. საფეხბურთო შესაძლებელობის გარდა, მნიშვნელობა ენიჭება იმას, თუ რამდენი წლისაა ფეხბურთელი, რამდენი წელია ამჟამინდელ კლუბში თამაშობს და რამდენი წელი დარჩა მას კონტრაქტის ვადის ამოწურვამდე. ამის გათვალისწინებით, გასაკვირი არაა, რომ მესის, რომელსაც მალე 31 წელი უსრულდება, ახალგაზრდა ფეხბურთელებმა აჯობეს.
მსოფლიოში ყველაზე ძვირადღირებული ფეხბურთელების ათეული:
# | ფეხბურთელი | გუნდი | ფასი (მლნ. ევრო) |
1 | ჰარი კეინი | ტოტენჰემი | 201.2 |
2 | ნეიმარი | პსჟ | 195.7 |
3 | კილიან მბაპე | პსჟ | 186.5 |
4 | ლიონელ მესი | ბარსელონა | 184.2 |
5 | მოჰამედ სალაჰი | ლივერპული | 171.3 |
6 | დელე ალი | ტოტენჰემი | 171.0 |
7 | კევინ დე ბრუინი | მან. სიტი | 167.2 |
8 | ანტუან გრიზმანი | ატლეტიკო | 164.5 |
9 | პაულო დიბალა | იუვენტუსი | 164.2 |
10 | რომელუ ლუკაკუ | მან. იუნაიტედი | 163.4 |
საუკეთესო ასეულში, მესის გარდა, "ბარსელონადან", ფილიპე კოუტინიო (მე-12 ადგილი, 154.6 მილიონი), ლუის სუარესი (მე-18 ადგილი, 120.4 მილიონი), სამუელ უმტიტი (მე-19 ადგილი, 111.5 მილიონი), მარკ-ანდრე ტერ შტეგენი (25-ე ადგილი, 100.5 მილიონი), უსმან დემბელე (63-ე ადგილი, 72.4 მილიონი) და ივან რაკიტიჩი (77-ე ადგილი, 68.3 მილიონი) მოხვდნენ.
ამ სიახლეზე კომენტარები გათიშულია.
კომენტარები [ 6 ]