ზინედინ ზიდანი: ინიესტას "ბარსელონას" ფეხბურთელად ვერ აღვიქვამ
მსოფლიო ფეხბურთის ლეგენდა, მადრიდის "რეალის" მთავარი მწვრთნელი ზინედინ ზიდანი "ბარსელონას" კაპიტანზე, ანდრეს ინიესტაზე კომენტარს აკეთებს.
"ინიესტას "ბარსელონას" ფეხბურთელად ვერ აღვიქვამ. ის უფრო საერთო საფეხბურთო მოვლენაა. მას კარგად არ ვიცნობ, მაგრამ მრჩება შთაბეჭდილება, რომ კარგი პიროვნებაა. ამას ის მოედანზეც აჩვენებს, რაც მომწონს. ინიესტას ფეხბურთი მომწონს და მას ყველაფერს საუკეთესოს ვუსურვებ.
ინიესტამ "ოქროს ბურთი" დაიმსახურა იმ წელს, როდესაც მსოფლიო ჩემპიონატი მოიგო და ფინალში გოლი გაიტანა. ეს ჯილდო მას იმ წელს უნდა მოეგო." - განაცხადა ზინედინ ზიდანმა რამდენიმე წუთით ადრე, სანამ ანდრეს ინიესტა "ბარსელონადან" წასვლის ინფორმაციას ოფიციალურად დაადასტურებდა.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 4 ]