მალაგა-ბარსელონა - პრევიუ
ხვალ, თბილისის დროით 23 საათსა და 45 წუთზე "მალაგას" და "ბარსელონას" დაპირისპირება დაიწყება. წარმოგიდგენთ შეხვედრის სტატისტიკურ პრევიუს.
სავარაუდო შემადგენლობები
დანაკლისი
"მალაგა" - ხუან კარლოს პერესი, ადალბერტო პენიარანდა, ადრიანი გონსალესი (საეჭვო), რესიო (საეჭვო);
"ბარსელონა" - ნელსონ სემედუ, დენის სუარესი, ანდრეს ინიესტა.
გუნდების სიახლეები
- მოსალოდნელია, რომ ჟერარ პიკე დაისვენებს და დაცვის ცენტრში სამუელ უმტიტის ტომას ვერმალენი შეუწყვილდება;
- ინიესტას არყოფნაში ნახევარდაცვის მარცხენა ფლანგს ფილიპე კოუტინიო დაიკავებს, მარჯვენა ფლანგზე კი პაულინიო ან უსმან დემბელე ითამაშებს;
- "მალაგა" ძალიან ცუდ ფორმაშია - ანდალუსიელებმა უკანასკნელი 12 შეხვედრიდან მხოლოდ ორში მოახერხეს ქულის აღება.
ურთიერთშეხვედრები
ბოლო 3 წელიწადში გამართული უკანასკნელი 6 შეხვედრიდან "ბარსელონამ" 3 მოიგო, 1 ფრედ დასრულდა, 2-ჯერ კი "მალაგამ" გაიმარჯვა.
სატურნირო მდგომარეობა
28-ე ტურის წინ "ბარსა" 69 ქულით პირველ პოზიციას იკავებს და "ატლეტიკოს" 8 ქულით უსწრებს, "მალაგა" კი 13 ქულით ბოლო ადგილზეა და უსაფრთხო ზონას 8 ქულა აშორებს.
WhoScored-ის პროგნოზი
- "ბარსელონა" თამაშგარეში ხშირად მოხვდება;
- "ბარსელონა" ფლანგიდან გათამაშებული კომბინაციის შედეგად გაიტანს;
- "ბარსელონას" ბურთის ფლობის მხრივ უპირატესობა ექნება;
- "მალაგას" ფეხბურთელები რამდენიმე გაფრთხილებას მიიღებენ.
ამ სიახლეზე კომენტარები გათიშულია.
კომენტარები [ 6 ]