მესის შედეგი "ეიბართან": 12 გოლი 6 თამაშში
"ბარსელონას" მომდევნო მეტოქესთან, "ეიბართან" თამაში კატალონიურ გუნდსაც და მის ლიდერს, ლიონელ მესისაც კარგად გამოსდით.
"ეიბარი" ერთადერთი გუნდია, რომლის წინააღმდეგაც "ბარსას" 5 ან მეტი თამაში აქვს ჩატარებული და მათგან ყველა მოგებული, თან ყველა მინიმუმ 2-ბურთიანი სხვაობით. ამ გუნდებს შორის გამართული 7 დაპირისპირებიდან ყველა კატალონიელთა გამარჯვებით დასრულდა, ბურთების შეფარდება - 26:4.
ამ 7 შეხვედრიდან მესიმ მონაწილეობა ექვსში მიიღო და მის ანგარიშზე 12 გოლია, ანუ, თამაშში, საშუალოდ, 2 გოლი. ასეთი საშუალო მაჩვენებელი არგენტინელს არცერთი სხვა გუნდის წინააღმდეგ არ აქვს. ამ 12 გოლიდან 4 ლეომ მიმდინარე სეზონში, "კამპ ნოუზე" გამართულ შეხვედრაში გაიტანა, რომელიც "ბარსამ" 6:1 მოიგო.
17 თებერვალს, გუნდები ერთმანეთს "ეიბარის" საშინაო არენაზე, "იპურუაზე" დაუპირისპირდებიან.
ამ სიახლეზე კომენტარები გათიშულია.
კომენტარები [ 3 ]