ვინ რამდენი დახარჯა ამჟამინდელ შემადგენლობაში? - "ბარსელონა" მეოთხეა
სპორტულმა კვლევითმა ორგანომ, CIES Football Observatory-მ ევროპის წამყვან 5 ჩემპინოატში მოთამაშე კლუბების ტრანსფერები შეისწავლა და დაადგინა, თუ რომელმა მათგანმა რამდენი გადაიხადა იმ ფეხბურთელებში, რომლებშიც გუნდში ახლა თამაშობენ.
გაირკვა, რომ ამჟამინდელი გუნდის შესადგენად ყველაზე მეტი 878 მილიონი ევრო "მანჩესტერ სიტიმ" დახარჯა. მას, 805 მილიონით, "პარი სენ-ჟერმენი" მოსდევს. მე-3 ადგილზე, 747 მილიონით, "მანჩესტერ იუნაიტედია".
"ბარსელონა", რომელიც ბოლო წლებში საკუთარი სკოლის აღზრდილი ფეხბურთელებით იწონებდა თავს, უსმან დემბელესა და ფილიპე კოუტინიოს ძვირადღირებული ტრანსფერების შემდეგ, 725 მილიონი ევროთი, მე-4 ადგილს იკავებს.
შემდეგ მოდიან: "ჩელსი" - 592 მილიონი; "რეალი" - 497 მილიონი; "ლივერპული" - 461 მილიონი; "იუვენტუსი" - 448 მილიონი; "არსენალი" - 403 მილიონი; "ევერტონი" - 365 მილიონი.
ამ სიახლეზე კომენტარები გათიშულია.
კომენტარები [ 6 ]