ვალვერდემ გვარდიოლას რეკორდი გაიმეორა
ერნესტო ვალვერდეს მიერ გაწვრთნილმა "ბარსელონამ", ლა ლიგაში, მორიგი, ზედიზედ 21-ე წაუგებელი თამაში ჩაატარა. ეს კი იმას ნიშნავს, რომ ვალვერდემ პეპ გვარდიოლას რეკორდი გაიმეორა.
2009/10 წლების სეზონში, გვარდიოლას ლეგენდარულმა გუნდმა, ესპანეთის ჩემპიონატის სტარტიდან მოყოლებული, ზედიზედ 21 წაუგებელი თამაში ჩაატარა, რაც დღემდე "ბარსას" ისტორიაში საუკეთესო შედეგად ითვლებოდა. ვალვერდეს გუნდმა კი, "ალავესის" ანგარიშით 2:1 დამარცხებით, ეს მიღწევა გაიმეორა და თუ მომდევნო ტურში კატალონიელები "ესპანიოლთან" სტუმრად გასამართ დერბიში არ დამარცხდნენ, ისინი ახალ საკლუბო რეკორდს დაამყარებენ.
აღსანიშნავია, რომ გვარდიოლას გუნდმა, 21 შეხვედრიდან, 17 მოიგო და 4 ფრედ დაასრულა, ხოლო ვალვერდეს შეგირდებმა 18-ჯერ მოიგეს და 3-ჯერ ფრედ ითამაშეს.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 9 ]