ბარსელონა-ალავესი - სტატისტიკური პრევიუ

ხვალ, თბილისის დროით 23 საათსა და 45 წუთზე, "ბარსელონა" "ალავესს" დაუპირისპირდება. წარმოგიდგენთ შეხვედრის სტატისტიკურ პრევიუს.

სავარაუდო შემადგენლობები:

დანაკლისი:

"ბარსელონა" - უსმან დემბელე, ტომას ვერმალენი

"ალავესი" - ექტორ ერნანდესი, ბურგუი, როდრიგო ელი (დისკვალიფიკაცია), ტომას პინა (დისკვალიფიკაცია), მანუ გარსია (საეჭვო).

გუნდების სიახლეები:

- სამხრეთ ამერიკელ ახალწვეულებს, ფილიპე კოუტინიოს და იერი მინას ლა ლიგაში დებიუტი ექნებათ. კოუტინიომ კოპა დელ რეის 1/4 ფინალში, "ესპანიოლთან" უკვე ითამაშა, მინას კი "ბარსელონას" მაისურით მოედანზე ჯერ არცერთი წუთი არ გაუტარებია;

- "ალავესს" დაუბრუნდა რუბენ დუარტე, რომელმაც წინა თამაში დისკვალიფიკაციის გამო გამოტოვა. ის მარცხენა მცველია და სავარაუდოდ, ძირითად შემადგენლობაში იქნება.

ფაქტები:

- "კამპ ნოუზე" ჩატარებულ უკანასკნელ 21 შეხვედრაში "ბარსელონა" მინიმუმ ორ გოლს იტანს;

- 21-დან 17 მატჩში "ბარსამ" ორივე ტაიმი მოიგო;

- ბოლო 6-დან 5 შეხვედრაში კატალონიელებმა კარის მშრალად შენახვა მოახერხეს;

- "ალავესის" ბოლო 10 მატჩში 2-ზე ნაკლები გოლი გავიდა;

- "ბარსელონა"-"ალავესის" დაპირისპირება უკანასკნელი 9-დან 8 შემთხვევაში "ბლაუგრანას" გამარჯვებით დასრულდა;

- "კამპ ნოუზე" ამ გუნდების ბოლო შეხვედრა "ალავესმა" მინიმალური სხვაობით, 2-1 მოიგო;

- ბოლო 9-დან 8 მატჩში "ბარსამ" ბასკურ გუნდს 2-ზე მეტი გოლი გაუტანა;

- ეს გუნდები ერთმანეთს  26 აგვისტოს, ლა ლიგის მე-2 ტურში დაუპირისპირდნენ. "მენდისოროსაზე" გამართული მატჩი კატალონიელებმა მეორე ტაიმში მესის დუბლით მოიგეს.