აგენტი: რაფინიას მხოლოდ "ინტერში" გადასვლა უნდოდა
"ბარსელონას" ნახევარმცველის, რაფინია ალკანტარას აგენტი ალექს ბეში ადასტურებს, რომ მისი კლიენტი "ინტერში" გადადის.
გავრცელებული ინფორმაციით, "ინტერი" რაფინიას სეზონის ბოლომდე იჯარით აიყვანს და შემდეგ 35 მილიონ ევროდ გამოისყიდის.
"რაფინია ძალიან ბედნიერია "ინტერში" გადასვლით. შემიძლია გითხრათ, რომ მას მხოლოდ ამ კლუბში გადასვლა უნდოდა და დარწმუნებულები ვიყავით, რომ ტრანსფერი შედგებოდა.
რაფინიას რამდენიმე პოზიციაზე ძალიან მაღალ დონეზე თამაში შეუძლია. მას შესანიშნავი ტექნიკა აქვს. იგი ტაქტიკურადაც ძალიან ნიჭერია.
რაფინია უკვე ერთი თვეა 100 პროცენტით მზადაა. ახლა ის საუკეთესო ფორმაში იმყოფება. მის ფიზიკურ კონდინციებში ეჭვი არავის ეპარება.
"ინტერი" მსოფლიოს ერთ-ერთი უძლიერესი კლუბია, ასე რომ, რაფინიასთვის ეს შესანიშნავი შესაძლებლობა და წინგადადგმული დიდი ნაბიჯია", - ციტირებს რაფინიას აგენტის სიტყვებს Football Italia.
ამ სიახლეზე კომენტარები გათიშულია.
კომენტარები [ 4 ]