ვალვერდე: კარგია, რომ დიდი უპირატესობა გვაქვს, მაგრამ სეზონი ჯერ არ დასრულებულა
"ბარსელონამ" ლა ლიგის მიმდინარე სეზონის პირველი ნახევრის უმნიშვნელოვანეს შეხვედრაში მადრიდის "რეალი" სტუმრად დაამარცხა და ჩემპიონობისკენ დიდი ნაბიჯი გადადგა. ამით კმაყოფილია კატალონიელთა მთავარი მწვრთნელი, ერნესტო ვალვერდე, თუმცა ის წინასწარ ზეიმს საჭიროდ არ თვლის.
"ჯერ სეზონის ნახევარიც არ დასრულებულა, მთავარი ისევ წინაა, თუმცა, კარგია, რომ დიდი უპირატესობა გვაქვს. ეს თამაშიც კარგად ჩავატარეთ, განსაკუთრებით მეორე ტაიმში, როცა მოედანზე ვდომინირებდით, პირველ ნახევარში კი მადრიდელებმაც შექმნეს სახიფათო მომენტები. ადვილი გამარჯვება ნამდვილად არ იყო.
ესპანეთის სუპერ თასზე "რეალმა" დაგვამარცხა, ახლა კი ეს ჩვენ გავაკეთეთ. ეს ყველასთვის იმის გაკვეთილია, რომ ორი ძლიერი გუნდი შეიძლება სხვადასხვა დროს სხვადასხვა სიტუაციაში აღმოჩნდეს". - აცხადებს ვალვერდე, რომლისთვისაც ეს "კლასიკოში" პირველი გამარჯვება იყო.
ამ სიახლეზე კომენტარები გათიშულია.
კომენტარები [ 9 ]