ლიონელ მესი: ჩემთვის გუნდური მიღწევები უფრო მნიშვნელოვანია

ლიონელ მესიმ TyC Sports-თან ინტერვიუში განაცხადა, რომ ბოლო დროს მისთვის გუნდური მიღწევები და ტიტულები უფრო მნიშნველოვანია, ვიდრე პერსონალური და ასევე აღნიშნა, რომ ასაკის ფაქტორი მასზე გავლენას უკვე ახდენს.

"კარგია, რომ ბევრი ინდივიდუალური ჯილდო მაქვს და მათი უმეტესობა მაშინ მივიღე, როცა უფრო ახალგაზრდა ვიყავი. ახლა კი, ჩემთვის კოლექტიურ მიღწევებს უფრო დიდი მნიშვნელობა აქვს, რადგან მინდა, უფრო მეტი გუნდური ტიტული მოვიგო, მაგალითად ჩემპიონთა ლიგა და რომელიმე სანაკრებო ტიტული.

სეზონი გრძელია და ახლა ასაკი ჩემზე საკმაოდ დიდ გავლენას ახდენს. ამის გამო, ხანდახან ჩემთვის დასვენება აუცილებელია და ამიტომ არ ვატარებ მოედანზე ყველა თამაშში 90 წუთს".