პირველი შემთხვევა 2012 წლის შემდეგ, როცა "ბარსელონამ" ჯგუფური ეტაპის მატჩში გოლი ვერ გაიტანა
ჩემპიონთა ლიგის მე-4 ტურის შეხვედრა "ბარსელონასა" და "ოლიმპიაკოსს" შორის უგოლოდ, 0-0 დასრულდა და ეს იყო პირველი შემთხვევა 2012 წლის შემდეგ, როცა კატალონიელებმა ევროპის ყველაზე პრესტიჟული ტურნირის ჯგუფური ეტაპის მატჩში გოლის გატანა ვერ მოახერხეს.
ბოლოს ეს 2012 წლის 5 დეკემბერს "კამპ ნოუზე" მოხდა. მაშინ კატალონიელები ლისაბონის "ბენფიკას" მასპინძლობდნენ. გოლი ვერც ერთი გუნდის ფეხბურთელებმა ვერ გაიტანეს. "ბარსელონასთან" მოპოვებული ქულის მიუხედავად, "ბენფიკა" ჯგუფში მხოლოდ მე-3 ადგილს დასჯერდა, "ბარსამ" კი ჯგუფის ლიდერობა ბოლომდე შეინარჩუნა. შეგახსენებთ, რომ ეს ის სეზონია, რომელშიც "ბარსელონა" ასპარეზობას ნახევარფინალში მიუნხენის "ბაიერნმა" გამოთიშა (ორი მატჩის ჯამში 7-0). საბოლოოდ "რეკორდმაისტერმა" ფინალში დორტმუნდის "ბორუსია" დაამარცხა და ტურნირი მოიგო.
ამ სიახლეზე კომენტარები გათიშულია.
კომენტარები [ 5 ]