"ბარსელონა" კეინსა და ერიკსენს აკვირდება
"ბარსელონა" "ტოტენჰემის" ფეხბურთელებით, ჰარი კეინითა და კრისტიან ერიკსენით ინტერესდება, იტყობინება Mundo Deportivo.
კატალონიური კლუბის სპორტული დირექტორი, რობერტ ფერნანდესი სამშაბათს, "სანტიაგო ბერნაბეუზე" გამართულ შეხვედრას დაესწრო, სადაც "რეალმა" "ტოტენჰემს" უმასპინძლა (1:1) და ორივე ფეხბურთელის თამაშს ადევნებდა თვალს.
ადრე ცნობილი გახდა, რომ ლონდონელთა პრეზიდენტი, დენიელ ლევი 24 წლის კეინს 200 მილიონ ფუნტად აფასებს.
რაც შეეხება ერიკსენს, "ბარსელონა" დანიელ მოთამაშეს ჯერ კიდევ მაშინ აკვირდებოდა, როცა ამსტერდამის "აიაქსში" თამაშობდა, ხოლო რამდენიმე კვირის წინ მის მიმართ ინტერესი განაახლა.
"ლურჯ-ბროწეულისფერთა" ხელმძღვანელობა, 25 წლის ნახევარმცველის შესაძლო ტრანსფერს, "ლივერპულის" ფეხბურთელის, ფილიპე კოუტინიოს ალტერნატიულ ვარიანტად განიხილავს.
ამ საკითხზე ბოლო სიტყვა "ბარსელონას" მთავარ მწვრთნელს, ერნესტო ვალვერდეს ეკუთვნის.
ამ სიახლეზე კომენტარები გათიშულია.
კომენტარები [ 9 ]