ინფანტინო: მარადონამ მუნდიალი დამოუკიდებლად მოიგო, მესის ეს არ გაუკეთებია
FIFA-ს პრეზიდენტმა, ჯანი ინფანტინომ ლიონელ მესისა და დიეგო მარადონას შორის პარალელი გაავლო.
"მარადონა თითქმის დამოუკიდებლად იგებდა ტიტულებს და გადამწყვეტ როლს თამაშობდა. ის მოედანზე საოცრებებს სჩადიოდა. ჩემი აზრით, დიეგოს მიერ დატოვებულ მემკვიდრეობას პატივი უნდა ვცეთ. მან გვაიძულა ფეხბურთი შეგვყვარებოდა იმის მიუხედავად, ვიყავით თუ არა არგენტინის ან "ნაპოლის" ქომაგები.
რაც შეეხება მესის, ის ექსტრაორდინალურია. ორივე მათგანმა საკუთარი სახელი ისტორიაში ჩაწერა: 80 და 90-იანი წლები მარადონას ეპოქა იყო, ბოლო ათწლეული კი ლეოს ეკუთვნის. რა თქმა უნდა, დიეგომ მუნდიალი მოიგო, "ბარსელონას" ათიანს კი ამის გაკეთება მართებს.
უამრავმა დიდებულმა ფეხბურთელმა ვერ შეძლო მსოფლიო ჩემპიონატის მოგება, თუმცა არსებობენ ნაკლებად სახელოვანი მოთამაშეები, რომლებმაც ამის გაკეთება შეძლეს. სწორედ ეს არის ფეხბურთის ხიბლი.
შეძლებს თუ არა მესი 2022 წლის მსოფლიო ჩემპიონატზე მონაწილეობის მიღება? სავარაუდოდ. როცა მოედანზე მის ქმედებებს ვაკვირდებით, ისეთი შთაბეჭდილება გვრჩება, რომ არავის შეუძლია მას შეეხოს. ლეო არასდროს იღებს ტრავმას. ის იმდენად სწრაფია, რომ მეტოქეები ზიანს ვერ აყენებენ."-ციტირებს ინფანტინოს სიტყვებს La Nación.
ამ სიახლეზე კომენტარები გათიშულია.
კომენტარები [ 6 ]