ინიესტას კონტრაქტის გაწყვეტის უფლება ექნება

ცნობილი გახდა "ბარსელონას" ნახევარმცველის, ანდრეს ინიესტას უვადო კონტრაქტის პირობები.

RAC1-ის ინფორმაციით, ინიესტას უფლება ექნება ცალმხრივად, ვალდებულებების გარეშე გაწყვიტოს კონტრაქტი, მაგრამ მან ამის შესახებ იმ წლის 30 აპრილამდე უნდა აცნობოს კლუბს - სეზონის დასრულებამდე დაახლოებით ერთი თვით ადრე.

"ბარსელონა" ინიესტას ბონუსს გადაუხდის, როდესაც ის კონტრაქტის გაწყვეტას გადაწყვეტს - ისევე, როგორც ეს ჩავის შემთხვევაში იყო, რომელიც ყატარში გადაბარგდა.