"ბარსელონა" პრემიერ ლიგაში?
კატალონიის მიერ დამოუკიდებლობის მოპოვების შემთხვევაში, "ბარსელონამ", შესაძლოა, ინგლისის პრემიერ ლიგაში ითამაშოს.
პირველ ოქტომბერს, კატალონიაში, დამოუკიდებლობის რეფერენდუმი იმართება. ცენტრალური ხელისუფლება ამ რეფერენდუმს უკანონოდ აცხადებს და საქმე იქამდე მივიდა, რომ ქვეყნის პოლიციამ საარჩევნო ყუთების წართმევაც მოინდომა. თუმცა, ყველაფერი იქით მიდის, რომ რეფერენდუმი მაინც ჩატარდება.
რეფერენდუმის ჩატარების შემთხვევაშიც, კატალონიის ესპანეთიდან უახლოეს მომავალში გამოყოფის საფრთხე ნაკლებადაა, რადგან შედეგებს ცენტრალური ხელისუფლება არ სცნობს. თუმცა, ამის მიუხედავად, საფეხბურთო სამყაროს მაინც აწუხებს კითხვა: სად ითამაშებს "ბარსელონა" კატალონიის დამოუკიდებლობის შემთხვევაში?
კატალონიის სპორტის მინისტრმა, ჟერარ ფიუერასმა შემდეგი კომენტარი გააკეთა: "კატალონიის დამოუკიდებლობის შემთხვევაში, ლა ლიგაში მოთამაშე კატალონიური კლუბები - "ბარსელონა", "ესპანიოლი" და "ჟირონა" - თავად გადაწყვეტენ, თუ სად უნდა ითამაშონ: ესპანეთის ჩემპიონატში, თუ რომელიმე მეზობელ ქვეყანაში: იტალიაში ან საფრანგეთში, ან თუნდაც პრემიერ ლიგაში.
ესპანეთის ჩემპიონატში სხვა ქვეყნების წარმომადგენლები ახლაც თამაშობენ. მაგალითად, ანდორას გუნდები ფეხბურთსა და კალათბურთში. "მონაკო" საფრანგეთის ჩემპიონატში თამაშობს, უელსური გუნდები - ინგლისში.
არა მგონია, UEFA-ს რამე საწინააღმდეგო ჰქონდეს იმის, რომ სხვა ქვეყნის ჩემპიონატში კიდევ ერთმა გუნდმა ითამაშოს." - ციტირებს ფიუერასის სიტყვებს The Sun.
ამ სიახლეზე კომენტარები გათიშულია.
კომენტარები [ 17 ]