მესი მეტოქეს გაკვეთილს უტარებს, ბარსა კი წარმატებულ სვლას განაგრძობს
ლა ლიგის მე-5 ტურის მატჩში, "ბარსელონამ" "ეიბარი" ზედმეტი ძალისხმევის გარეშე, დიდი ანგარიშით დაამარცხა. ერნესტო ვალვერდემ ბასკურ კოლექტივს გადახალისებული შემადგენლობით უმასპინძლა: ტერ შტეგენი, სემედუ, პიკე, მასკერანო, დინი, ბუსკეტსი, პაულინიო, ინიესტა, დეულოფეუ, მესი და დენისი.
სტუმრებმა მატჩის დასაწყისში სახიფათო მომენტი შექმნეს, მაგრამ ანგარიში ვერ გახსნეს. პირველ ტაიმში "ეიბარი" უშედეგოდ ცდილობდა დაწინაურებას. სამაგიეროდ, პირველ ნახევარში მენდილიბარის შეგირდების კარი ლიონელ მესიმ და პაულინიომ აიღეს. ბურთის ფლობის პროცენტული მაჩვენებლით კატალონიელებმა სტუმრებს აჯობეს (58-42), დარტყმები კი თანაბრად გადანაწილდა (4-4).
პირველი ტაიმის სტატისტიკა
კატალონიელთა დომინაცია გაგრძელდა. ზედიზედ მეორე მატჩში თავი დენის სუარესმა გამოიჩინა, 57-ე წუთზე კი მას ენრიხმა უპასუხა, რომელიც "ეიბარის" მიერ გატანილი ერთადერთი გოლის ავტორი გახდა - 3:1. ამ ყველაფერს ლიონელ მესის მორიგი მასტერკლასი მოჰყვა. არგენტინელმა მეტოქის კარში პოკერი გაიფორმა და შეხვედრას წერტილი დაუსვა - 6:1.
საბოლოო სტატისტიკა
"ბლაუგრანა" ლა ლიგის სატურნირო ცხრილის ლიდერია (15ქ.) და მადრიდულ გრანდებს 7 ქულით უსწრებს. ხვალ "რეალი" "ბეტისს" უმასპინძლებს, "ატლეტიკო" კი ბილბაოს "ატლეტიკს" ეწვევა.
ამ სიახლეზე კომენტარები გათიშულია.
კომენტარები [ 6 ]