ვალვერდე დემბელეზე: გამოცდილი ფეხბურთელი ასეთ მოძრაობას არ გააკეთებდა
"ბარსელონას" მთავარი მწვრთნელი ერნესტო ვალვერდე უსმან დემბელეს ტრავმაზე საუბრობს და აცხადებს, რომ მისი აზრით, უფრო გამოცდილი ფეხბურთელი მსგავს სიტუაციაში ქუსლით თამაშს მოერიდებოდა.
"ხეტაფესთან" გამართული შეხვედრის პირველ ტაიმში, ერთ-ერთ ეპიზოდში, უსმან დემბელემ ბურთზე ქუსლით თამაში სცადა, რა დროსაც მან მძიმე ტრავმა მიიღო. როგორც მოგვიანებით გაირკვა, ახალგაზრდა ფეხბურთელს მარცხენა ბარძაყის არეში დისკომფორტი მანამდეც აწუხებდა.
"არა მგონია, ამ ტრავმის თავიდან არიდება შესაძლებელი ყოფილიყო.
ფეხბურთელს კუნთის პრობლემა არასდროს ჰქონია და მან არ იცოდა, როგორ უნდა ამოეცნო ეს მცირე დისკომფორტით.
გამოცდილი ფეხბურთელი ისეთ მოძრაობას არ გააკეთებდა, როგორიც დემბელემ გააკეთა.
ტრავმირებული ფეხბურთელისთვის ყველაზე რთული მოთმინებაა. ეს უსიამოვნოა, მაგრამ კუნთისა და მუხლს პრობლემა ყველას აქვს. ის ახალგაზრდაა და ეს ის პრობლემაა, რომელსაც ფეხბურთელები მთელი კარიერის განმავლობაში აწყდებიან." - ციტირებს ვალვერდეს სიტყვებს Marca.
ამ სიახლეზე კომენტარები გათიშულია.
კომენტარები [ 7 ]