ერიკ აბიდალი იუბილარია!

"ბარსელონას" ყოფილი განაპირა მცველი, ერიკ აბიდალი დღეს 38 წლის გახდა!

ფრანგი მოთამაშის კატალონიურ კარიერას 15 ტიტული უკავშირდება: ჩემპიონთა ლიგა (2), ლა ლიგა (4), სამეფო თასი (2), ესპანეთის სუპერთასი (4), საკლუბო მსოფლიო ჩემპიონატი (2), უეფას სუპერთასი (1).

აუცილებლად აღსანიშნავია ის ფაქტი, რომ აბიდალმა კიბოსთან ბრძოლაში ორჯერ გაიმარჯვა და ეს ცნობილი ფრაზაც 22-ნომრიანი მაისურით მოასპარეზე ერიკს ეკუთვნის: "ციფრი მარცხენა მხარეს აღნიშნავს, თუ რამდენჯერ ვებრძოლე კიბოს, ხოლო ციფრი მარჯვენა მხარეს კი - რამდენჯერ დავამარცხე ის."