სერხიო გარსია: რაც მეტ ხმაურს გავიგონებ კამპ ნოუზე, მით უკეთესად ვითამაშებ
როგორც იცით, ხვალ, თბილისის დროით 22:45 საათზე ლა ლიგის მე-3 ტურში "ბარსელონა" საკუთარ მოედანზე "ესპანიოლს" დაუპირისპირდება.
"ესპანიოლს" დაუბრუნდა სერხიო გარსია, რომელიც ლა მასიას აღზრდილია და თავის დროზე "ბარსელონას" C (2001-02), B (2002-04) და ძირითად (2003-05) გუნდებში გამოდიოდა, შემდეგ კი, 2010-15 წლებში, ის "ესპანიოლში" თამაშობდა, სადაც მისი კარიერის საუკეთესო პერიოდი ჰქონდა.
გარსიას თქმით, კამპ ნოუზე დაბრუნება მისთვის განსაკუთრებული მოვლენა იქნება და "ბარსას" გულშემატკივრებისგან მის მიმართ ნეგატიური დამოკიდებულება მას მხოლოდ საბრძოლველად განაწყობს.
"როცა ფანები ცდილობენ, რომ მიყვირონ და ტკივილი მომაყენონ, მე მოტივაცია მეზრდება. რაც მეტ ხმაურს გავიგონებ, მით უკეთესად ვითამაშებ".
მთავარი კითხვა, რომელიც "ბარსელონას" მეტოქეებს აქვთ, არის ის, თუ როგორ ითამაშებენ კატალონიელები ნეიმარის გარეშე.
"ჩემი აზრით, ისინი ისეთივე ძლიერები არიან, როგორც ნეიმარის გუნდში ყოფნისას. ერთი ფეხბურთელის წასვლა არ ნიშნავს იმას, რომ "ბარსელონა" განსხვავებულად ითამაშებს." - განაცხადა სერხიო გარსიამ.
ამ სიახლეზე კომენტარები გათიშულია.
კომენტარები [ 9 ]