რონალდინიო: კოუტინიოს ბარსელონაში გადასვლა უნდოდა, თუმცა ლივერპულისთვის ის თავს არ დაზოგავს
მას შემდეგ, რაც "ლივერპულმა" ფილიპე კოუტინიოსთან დაკავშირებული "ბარსელონას" რამდენიმე შეთავაზება დაბლოკა, უამრავმა ადამიანმა ამ ტრანსფერის განხორციელება წარმოუდგენლად მიიჩნია.
თუმცა ასე არ ფიქრობს "ბარსას" ლეგენდა და ამჯერად თავისუფალი აგენტი, რონალდინიო. ბრაზილიელის აზრით, ეს სატრანსფერო საგა დასრულებული ჯერ კიდევ არაა - კატალონიელები მისი თანამემამულის შეძენას მალე ისევ შეეცდებიან და ამაში თვითონ კოუტინიოც დაეხმარებათ.
"აშკარად გამოჩნდა, რომ კოუტინიოს "ბარსელონაში" გადასვლა სურს. ის ახლა ძალიან დამწუხრებული უნდა იყოს, რადგან ამ გუნდში თამაში ყველა ფეხბურთელის ოცნებაა. თუმცა, მე დარწმუნებული ვარ, რომ მას ეს შანსი აუცილებლად მიეცემა".
მიუხედავად ამისა, რონალდინიო თვლის, რომ კოუტინიო "ლივერპულში" თამაშზე გულს არ აიცრუებს და ამჟამინდელი გუნდისთვის ყველაფერს გააკეთებს.
"ამ სეზონში ის თავს არ დაზოგავს და დაგვანახებს, თუ როგორია სინამდვილეში. არცერთი ფეხბურთელი არ იტყვის თამაშზე უარს მაშინ, როცა წინ მსოფლიო ჩემპიონატია. კოუტინიოს კარგად ვიცნობ და ვიცი, როგორც მოიქცევა. "ლივერპულის" გულშემატკივრებს ამ მხრივ სანერვიულო არ აქვთ." - განაცხადა ბრაზილიელმა Mirror-თან ინტერვიუში.
ამ სიახლეზე კომენტარები გათიშულია.
კომენტარები [ 2 ]