უსმან დემბელე: ჩემი მთავარი პლიუსი საგოლე გადაცემებია

"ბარსელონას" 20 წლის ფრანგი შემტევი უსმან დემბელე თავის სათამაშო თვისებებზე საუბრობს და აცხადებს, რომ საგოლე გადაცემების გაკეთება უყვარს.

"ჩემი მთავარი პლიუსი საგოლე გადაცემებია. მიყვარს ისეთი პასების კეთება, რომელიც შედეგზე გავლენას ახდენს. ვცდილობ, თანაგუნდელებისთვის საუკეთესო გადაწყვეტილება მივიღო ხოლმე. რაც შეეხება იმ ასპექტებს, რომელთა გაუმჯობესებაც მმართებს - გოლების გატანას უნდა მოვუხშირო. მინდა, თამაშის ყველა ასპექტში უკეთესი გავხდე." - ციტირებს დემბელეს სიტყვებს Mundo Deportivo.