ერნესტო ვალვერდე: რა განსხვავებაა ნეიმარსა და უსმან დემბელეს შორის?
"ბარსელონას" მთავარმა მწვრთნელმა, ერნესტო ვალვერდემ, "ალავესთან" გასამართი მატჩის წინ პრესკონფერნეცია გამართა და სხვა საკითხებთან ერთად, რა თქმა უნდა, უსმან დემბელეს ტრანსფერზეც ისაუბრა.
უსმან დემბელე
"უსმან დემბელე არის ფეხბურთელი, რომელიც ჩვენ შემადგენლობას სიღრმეს შემატებს. სწორეს ეს გვაკლდა და გვჭირდებოდა.
დემბელე სწრაფი ფეხბურთელია, რომლის შეძენის გამოც მოხარულნი ვართ. თავად ნახავთ, მოგვცემს თუ არა იმას, რაც გვჭირდებოდა.
დემბელესგან საუკეთესო თვისებების წარმოჩენას ველით. ვფიქრობთ, ის ამისთვის მზადაა. მასთან ერთად თამაში გაგვიადვილდება.
უსმან დემბელე შთამბეჭდავი ფეხბურთელია. ის მაღალი დონის მოთამაშეა. "ბარსელონას" მისი შეძენა ერთი წლის წინაც უნდოდა.
ამ ფეხბურთელზე დიდ იმედებს ვამყარებთ. იმედი გვაქვს, ის ბევრ მხიარულებას მოგვიტანს.
რა განსხვავებაა დემბელესა და ნეიმარს შორის? დემბელე ჩვენთანაა, ნეიმარი კი - არა..."
ჩემპიონთა ლიგა
"რთულ ჯგუფში მოვხვდით, ამას ვერ უარვყოფ. გასულ სეზონში, "იუვენტუსმა" გამოგვაგდო და ფინალშიც ითამაშა."
ნეიმარი
"ნეიმართან გადაღებული სურათი? (იცინის) ეს რამდენიმე წლის წინანდელ აჯანყებას მაგონებს. ეს უბრალოდ მეგობრებთან ერთად გადაღებული სურათი იყო."
ანდრეს ინიესტა და ლუის სუარესი
"ანდრეს ინიესტას თავს კარგად გრძნობს. მას ექიმებმა თამაშის უფლება მისცეს და ფეხბურთელს მოედანზე გასვლა შეუძლია. ლუის სუარესი? ის იმაზე უკეთაა, ვიდრე ვვარაუდობდით."
სატრანსფერო ბაზარი
"სატრანსფერო ბაზარი წესებს აღარ ემორჩილება. ყველა კლუბს ისტორიაში უძვირესი ტრანსფერის განხორციელება უწევს."
"ველი, რომ რამდენიმე ფეხბურთელი დაგვტოვებს. ყველა ვერ დარჩება."
ჟან-მიკაელ სერი
"სერი? ვერაფერს გეტყვით ფეხბურთელზე, რომელიც ჩვენთან არაა."
მარლონი
"მარლონი? ამჟამად 5 ცენტრალური მცველი გვყავს. ის ახალგაზრდა ფეხბურთელია. შესაძლოა, მან დაგვტოვოს. ეს უახლოეს დღეებში გადაწყდება."
სამიზნეები
"გაძლიერება შეტევაში გვჭირდება. დაცვაში ახალ ფეხბურთელებს აღარ ვსაჭიროებთ. ტრანსფერების განხორციელებისთვის დრო 31 აგვისტომდე გვაქვს."
ლიონელ მესი
"მესი? არა მგონია მასთან დაკავშირებით რამე პრობლემა არსებობდეს. გვარდიოლამ მისი შეძენის შესაძლებლობა არ გამორიცხა? ლეო ჩვენთან თავს კარგად გრძნობს."
ალავესი
"ალავესთან" რთული თამაში გველის. ეს გუნდი რეორგანიზაციის ეტაპზეა. გარდა ამისა, "მენდისოროსა" სათამაშოდ რთული სტადიონია."
რეალი
"გუშინ "რეალმა" UEFA-სგან ბევრი ჯილდო მიიღო? მადრიდელებს შესანიშნავი ფეხბურთელები ჰყავთ, ისევე, როგორც ჩვენ. ამ მხრივ პრობლემა არ არსებობს."
ამ სიახლეზე კომენტარები გათიშულია.
კომენტარები [ 34 ]