ჟერარ პიკე ნეიმარზე: "მეგობრობა უპირველეს ყოვლისა"
"ბარსელონას" ცენტრალურმა მცველმა, ჟერარ პიკემ, ნეიმართან დაკავშირებით რამდენიმე საკითხზე ისაუბრა.
პიკეს ჟურნალისტებმა კითხვა იმ სურათთან დაკავშირებით დაუსვეს, რომელიც "ბარსელონას" ფეხბურთელებმა ნეიმართან ერთად მას შემდეგ გადაიღეს, რაც ცნობილი გახდა, რომ კატალონიური კლუბი ბრაზილიელს სასამართლოში უჩივის. გაჩნდა ეჭვი, რომ ამ დავაში, ფეხბურთელები ნეიმარის მხარეს არიან და მათ ამ სურათით სწორედ ამის დემონსტრირება უნდოდათ.
"ასეთი რამ ხდება ხოლმე. ეს უბრალოდ დამთხვევაა. დიახ, კლუბმა განაცხადა, რომ ნეიმარს სასამრთლოში უჩივლებს, მაგრამ იმ დროს ჩვენ უკვე წვეულებაზე ვიყავით და ჩვენთვის არავის არაფერი უთქვამს. ნეიმარი ჩვენთან აღარ თამაშობს, მაგრამ ის ჩვენი მეგობარია.
თუ ხელმძღვანელობისთვის რამის თქმა მოგვინდება, პირადად შევხვდებით. ამისთვის სოციალური ქსელები არ გვჭირდება. კლუბზე გაბრაზებულები არ ვართ. კომუნიკაციის პრობლემა არ გვაქვს."
"როგორც გულშემატკივარი, ნეიმარის წასვლით გაბრაზებული ვარ. თუმცა, მეგობრობა უპირველეს ყოვლისა. ამ საკითხში მნიშვნელობა არ აქვს, თუ როგორ წავიდა ნეიმარი ჩვენგან. ის შესანიშნავი მეგობარია და ჩვენთვის ფოტოების გამოქვეყნებაზე შეზღუდვის დაწესება არ შეიძლება."
"რატომ დააწესა ნეიმარმა საკუთარ გამოსასყიდ თანხად მხოლოდ 222 მილიონი? შესაძლოა, ის წასვლაზე უკვე ფიქრობდა და კარი ღია დატოვა. უნდა გვახსოვდეს, რომ გამოსასყიდ თანხად მილიარდი ევროს დადგენაზე უარი "ბარსელონას" არ უთქვამს, ნეიმარმა თქვა."
ამ სიახლეზე კომენტარები გათიშულია.
კომენტარები [ 6 ]