ული ჰიონესი დემბელეზე: "თუ ამ ყველაფრის უკან "ბარსა" დგას, ამ კლუბს პატივს არ ვცემ"
მიუნხენის "ბაიერნის" პრეზიდენტი ული ჰიონესი დორტმუნდის "ბორუსიას" ფრანგი შემტევის, უსმან დემბელეს გარშემო შექმნილ ვითარებაზე კომენტარს აკეთებს.
როგორც ცნობილია, დემბელეს "ბარსელონას" გარდა არაფრის გაგონება არ სურს და 20 წლის შემტევი არათუ "ბორუსიაში" ვარჯიშზე, არამედ კლუბის წარმომადგენლებთან კონტაქტზეც კი უარს აცხადებს. ახალგაზრდა ფეხბურთელმა, ამის გამო, არაერთი ადამიანის კრიტიკა დაიმსახურა.
"თუ დემბელეს ქმედებების უკან "ბარსელონა" დგას, მაშინ ამ კლუბს მე პატივს არ ვცემ. დაარწმუნო ფეხბურთელი, პატივი არ სცეს მოქმედ კონტრაქტს, უღირსი საქციელია. თუ "ბორუსია" დემბელეს სანაცვლოდ 120, 130 ან 150 მილიონს მიიღებს, მოგებული კლუბი დარჩება და არა ფეხბურთელი. მაგრამ ისე არ უნდა ხდებოდეს, რომ თანხას ფეხბურთელი ადგენდეს. უსმან დემბელე რომ "ბაიერნის" ფეხბურთელი იყოს, ის გაფიცვის ყოველი დღისთვის 100 ათასი ევროთი დაჯარიმდებოდა. ასე გაგრძელდებოდა 31 აგვისტომდე." - ციტირებს ჰიონესის სიტყვებს Eurosport.
ამ სიახლეზე კომენტარები გათიშულია.
კომენტარები [ 16 ]