რივალდო "ბარსას" ხელმძღვანელობას აკრიტიკებს: "მათ ასეთი დონის ფეხბურთელებთან ურთიერთობის გამოცდილება არ აქვთ"
"ბარსელონას" ბრაზილიელი ლეგენდა რივალდო კატალონიური კლუბის ფეხბურთელებს იცავს, ხელმძღვანელობას კი აკრიტიკებს.
"რთულია, "რეალთან" ზედიზედ 2-ჯერ წააგო და უსმინო კლუბში ახლადმისულ ადამიანებს, რომლებიც ყველაფრის მომგებ ფეხბურთელებს ადანაშაულებენ. ეს იმას ნიშნავს, რომ ამ ადამიანებს ასეთი დონის ფეხბურთელებთან ურთეირთობის გამოცდილება არ აქვთ. პატივისცემას "ბარსელონას" როგორც ამჟამინდელი ფეხბურთელები იმსახურებენ, ასევე ისინიც, ვინც გუნდს მომავალში შეუერთდებიან.
თუ პრეზიდენტი მსგავს ქმედებებს დაუშვებს, კლუბი ორი ერთმანეთისგან განსხვავებული გზით სვლას დაიწყებს. არადა, წარმატებისთვის საჭიროა, რომ ყველა ერთ გზას ადგეს. ფეხბურთში, ჩვენ ყველანი ერთად ვიგებთ და ვაგებთ. დროა, გავერთიანდეთ და ერთი მიმართულებით ვიმუშავოთ.
ყველაზე მნიშვნელოვანი ტურნირი ჯერ არ დაწყებულა და "ბარსელონაში" ყველას ერთი რამ გვინდა - ნეიმარის გაყიდვისგან მიღებული ფული იმ ფეხბურთელების შეძენას მოხმარდეს, რომლებიც მოედანზე სხვაობას ქმნიან. ასევე მნიშვნელოვანია, რომ "ბარსა ბ"-სა და ასაკობრივ გუნდებში პუიოლის, ჩავის, ინეისტას, პიკეს, ვალდესისა და სხვების მსგავსი ფეხბურთელები იყვნენ.
კარგი არაა, როდესაც გენერალური მენეჯერი ან სპორტული დირექტორი ფულს უპასუხისმგებლოდ ხარჯავს. ეს მთავარი სპორტული შეცდომაა.
ფეხბურთელებს ჩემი დიდი პატივისცემა. მათ ყველაფერი მოიგეს." - წერს რივალდო თავის Instagram-ზე.
ამ სიახლეზე კომენტარები გათიშულია.
კომენტარები [ 31 ]