"ბარსელონას" ოფიციალური განცხადება პაულინიოს ტრანსფერისა და ბართომეუს ბიზნესის თაობაზე
"ბარსელონამ", რამდენიმე წუთის წინ, ოფიციალური განცხადება გააკეთა და პაულინიოს ტრანსფერთან კლუბის პრეზიდენტის, ჟოზეპ მარია ბართომეუს ბიზნესის კავშირი უარყო.
ბოლო დღეებში გავრცელებული ინფორმაციით, "ბარსელონას" მიერ პაულინიოს შეძენა კატალონიელთა პრეზიდენტის ბიზნეს გეგმის ნაწილია. დაუდასტურებელი ცნობებით, ბართომეუს იმ პორტში გავლენის მოპოვება სურს, რომელიც პაულინიოს ყოფილი კლუბის, "გუანჩჟოუ ევერგრანდის" ქალაქში მდებარეობს.
დღეს, "ბარსელონამ" ოფიციალური განცხადება გაავრცელა:
"დღეს დილით, საფეხბურთო კლუბმა "ბარსელონამ", იმ მასალის ავტორებს, რომლებიც ხაზს პაულინიო ბეზერასა და ჟოზე მარია ბართომეუს ბიზნესს შორის კავშირს უსვამენ, გავრცელებული ინფორმაციის უარყოფა მოსთხოვა.
იმ შემთხვევაში, თუ ეს ცრუ ინფორმაცია უარყოფილი არ იქნება, კლუბი და მისი პრეზიდენტი ინდივიდუალურად, სამართლებრივ გზებს მიმართავს. მათ შორის იქნება კლუბის იმიჯისთვის მიყენებული ზიანის ანაზღაურება.
"ბარსელონა" არ შეეგუება ისეთი ცრუ ინფორმაციის გავრცელებას, რომელიც კლუბის იმიჯს აზარალებს და პროფესიონალურ მიდგომას მოითხოვს იმ პირებისგან, რომლებიც მცდარ ინფორმაციას გადამოწმების გარეშე ავრცელებენ."
ამ სიახლეზე კომენტარები გათიშულია.
კომენტარები [ 7 ]