მუნირი "რომას" შეუთანხმდა, "ბარსელონა" კი უარზეა

მუნირ ელ ჰადადის "ბარსელონადან" წასვლის საკითხი საკმაოდ ჩახლართულია - 21 წლის ფეხბურთელს "რომაში" თამაში სურს, კატალონიურ კლუბს კი მისი "აიაქსში" გაშვება.
ცნობილია, რომ "ბარსელონას" მუნირის გაყიდვა აქვს განზრახული. კატალონიელები ახალგაზრდა ფეხბურთელში 15 მილიონ ევროს ითხოვენ. ამ თანხის გადახდასთან ყველაზე ახლოს "ზენიტი" იყო, მაგრამ ფეხბურთელმა რუსეთში თამაში იუარა. ინტერესი იყო ესპანური გუნდებისგანაც, მაგრამ მათ "ბარსას" ფინანსური მოთხოვნები ვერ დააკმაყოფილეს.
ბოლო ცნობებით, მუნირს "რომა" და "აიაქსი" იწვევენ. თუ Sport-ს დავუჯერებთ, ფეხბურთელმა "რომასთან" პირად შეთანხმებას უკვე მიაღწია. თუმცა, "რომას" მიერ "ბარსელონასთვის" გაკეთებული შეთავაზება 15 მილიონზე ბევრად ნაკლებია.
"ბლაუგრანას" ფინანსურ მოთხოვნებთან უფრო ახლოს "აიაქსის" შეთავაზებაა, მაგრამ თავად ფეხბურთელს "რომაში" გადასვლა ურჩევნია.
როგორც ჩანს, მიმდინარე ზაფხულში, "ბარსელონა" ტანჯვისთვისაა განწირული. ნეიმარის სატრანსფერო საგას უსმან დემბელე და ფილიპე კოუტინიო მოჰყვა, ახლა კი, მუნირიც.
ამ სიახლეზე კომენტარები გათიშულია.
კომენტარები [ 6 ]