"ლივერპულმა" "ბარსელონას" 100 მილიონიანი შეთავაზება უარყო
როგორც მოგეხსენებათ, კატალონიიის "ბარსელონა" აქტიურად ცდილობს "ლივერპულის" ბრაზილიელი ათიანის, ფილიპე კოუტინიოს შეძენას. მოლაპარაკებები უკვე მიმდინარეობს.
RMC კი მოლაპარაკებების პროცესზე მეტ ინფორმაციას გვაწვდის. წყაროს ცნობით, მერსესაიდელებმა უკვე 2 შეთავაზება გაისტუმრეს უარით. თავდაპირველად, კატალონიელებმა მათ 80 მილიონი შესთავაზეს, შემდეგ კი ფსონი გაზარდეს, თუმცა 100 მილიონიან შეთავაზებასაც იგივე ბედი ეწია.
მიუხედავად ამისა, "ბლაუგრანა" არ აპირებს დანებებას და მიმდინარე ზაფხულში კოუტინიოს შესაძენად ყველაფერს გააკეთებს. მიზეზი კი ისაა, რომ ბრაზილიელ ფეხბურთელს შეუძლია როგორც ნახევარმცველობა, ისე ნეიმარის პოზიციის დაკავება, რომლის ტრანსფერი პსჟ-ში სულ უფრო და უფრო რეალური ხდება.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 10 ]