დელ ბოსკემ მესის მიულოცა
ვისენტე დელ ბოსკემ, მადრიდის "რეალისა" და ესპანეთის ნაკრების ყოფილმა მწვრთნელმა და ფეხბურთელმა, ლიონელ მესის "ბარსელონასთან" კონტრაქტის გახანგრძლივება მიულოცა.
"ეს ესპანური ფეხბურთისთვის შესანიშნავი სიახლეა." - ციტირებს მის სიტყვებს Radio Marca. დელ ბოსკესთვის "მესი სეზონის საუკეთესო ფეხბურთელია. ჩვენ ვცხოვრობთ მესისა და რონალდუს ეპოქაში - ფეხბურთელების, რომლებსაც სეზონში 50 გოლის გატანა შეუძლიათ."
მწვრთნელმა, რომელმაც ესპანეთის ნაკრებს პირველი და ჯერ-ჯერობით უკანასკნელი მსოფლიოs ჩემპიონატი მოაგებინა, ისიც განაცხადა, რომ მესის "ბარსაში" და რონალდუს "რეალში" დარჩენა ორივესთვის კარგია. თუმცა არ არის დარწმუნებული, რომ რონალდუს ახალი კონტრაქტი ჭირდება - "კრიშტიანუს უკვე აქვს კონტრაქტი და ამას უნდა დაეთანხოთ."
დელ ბოსკეს მოსაზრებას იზიარებს ლა ლიგაში ახლად აღზევებული "ხეტაფეს" პრეზიდენტი - ანხელ ტორესიც. "ჩვენთვის ძალიან კარგია, რომ მესი თამაშს ჩვენს ჩემპიონატში განაგრძობს. იმავეს ვიტყოდი კრიშტიანუ რონალდუსა და მადრიდის "რეალზე". თუ მასთან დაკავშირებით რაიმე მოსაგვარებელი დარჩა, მოაგვარეთ." - განაცხადა ტორესმა, რომელიც "ხეტაფეს" პრეზიდენტობის პარალელურად მადრიდის "რეალის" პარტნიორიცაა.
ამ სიახლეზე კომენტარები გათიშულია.
კომენტარები [ 12 ]