ესპანეთის ახალგაზრდული ნაკრები ევროპის ჩემპიონატის ფინალშია!
გუშინ ღამით გაიმართა ევროპის 21 წლამდელთა ჩემპიონატის ნახევარფინალური ეტაპის შეხვედრა, სადაც ერთმანეთს ესპანეთისა და იტალიის ასაკობრივი ნაკრებები დაუპირისპირდნენ.
ესპანელებიდან შესანიშნავი მატჩი ჩაატარა საულ ნიგესმა. ფეხბურთელმა, რომელსაც ბოლო დღეებში ვერატის ალტერნატივად განიხილავენ, ანგარიში 53-ე წუთზე გახსნა, რასაც 9 წუთში ბერნარდესკის გოლი მოჰყვა. ამის შემდეგ, ისევ საულმა, 65-ე წუთზე თავისი ქვეყანა დააწინაურა, 74-ეზე კი ჰეთ-თრიქიც გაიფორმა და ტაბლოზე საბოლოო ანგარიშიც დააფიქსირა.
რაც შეეხება დენის სუარესს, იგი მოედანზე 83-ე წუთზე შემოვიდა ჟერარ დეულოფეუს ნაცვლად. "ბარსელონას" ერთ-ერთმა მთავარმა სამიზნემ, ექტორ ბელერინმა კი მატჩი სრულად ჩაატარა.
ესპანელები ფინალში გერმანიას დაუპირისპორდებიან, რომელმაც პენალტების სერიაში ინგლისის ნაკრებს სძლია ანგარიშით 4-3.
ასევე შეგახსენებთ, რომ ნაკრებში დღეს და ხვალ ასევე ითამაშებენ ანდრე გომეში და მარკ ანდრე ტერ-შტეგენი. კონფედერაციის თასის გათამაშების ნახევარფინალში პორტუგალია ჩილეს, გერმანია კი მექსიკას დაუპირისპირდება.
ამ სიახლეზე კომენტარები გათიშულია.
კომენტარები [ 6 ]