მესი მე-400 მატჩის მოგებასთან ახლოსაა

"ბარსელონას" ვარსკვლავს, ლიონელ მესის, კატალონიურ კლუბში 399 მოგებული მატჩი დაუგროვდა და 400-იან ნიშნულამდე მხოლოდ ერთი თამაშის მოგება აშორებს. 29 წლის არგენტინელს ამ შედეგის მიღწევის შანსი "ატლეტიკოსთან" შეხვედრაში აქვს.

მესიმ, 2004 წელს, "ბარსელონას" პირველ გუნდში დებიუტის შემდეგ 565 მატჩი ჩაატარა და უმრავლესობა მოიგო. თუმცა, მოგება, რა თქმა უნდა, მსოფლიოს უდიდეს ფეხბურთელებთან ასოცირდება. მესის 399 თამაშის მოგება 29 ტიტულის მოპოვებაში დაეხმარა, მათ შორის 4 ჩემპიონთა ლიგის. ის ანდრეს ინიესტას შემდეგ კლუბის ისტორიაში ყველაზე ტიტულიანი ფეხბურთელია.

მოდით, არ დაგვავიწყდეს, რომ "ატლეტიკო" მესის ფავორიტი მსხვერპლია. მან, მთლიანობაში, მადრიდელთა კარი 26-ჯერ აიღო. მესის, "ატლეტიკოს" შემდეგ, ყველაზე მეტი "რეალისა" (21) და "სევილიას" (21) კარში გაუტანია. არგეტნტინელი 2017 წელს უკვე გატანილი 11 გოლით საუკეთესო ბომბარდირია არა მხოლოდ ესპანეთის ჩემპიონატში, არამედ ევროპაშიც.

გარდა მესისა, რომელიც მალე მე-400 მატჩს მოიგებს, კატალონიურ კლუბში, "ლეგანესთან", თავისი მე-100 თამაში მოიგო ლუის სუარესმა. 30 წლის ურუგვაელმა "ბარსელონაში" 130 მატჩი ჩაატარა და 109 გოლი გაიტანა.