ლუის ენრიკე: „პასუხისმგებლობას საკუთარ თავზე ვიღებ, თუმცა იმედს არ ვკარგავ“
კატალონიის "ბარსელონას" მთავარმა მწვრთნელმა, ლუის ენრიკემ, ჩემპიონთა ლიგის პლეი-ოფის პირველ შეხვედრაში პსჟ-სთან მარცხის შემდეგ (0:4) პირველი კომენტარი გააკეთა.
"ყველაფერი მარტივია: მეტოქე ბურთითაც და მის გარეშეც ძლიერი იყო. მათ ერთობლივად გაიმარჯვეს, ითამაშეს ეფექტურად - შედეგი საკმაოდ განმაცვიფრებელია. არ ვფიქრობ, რომ ამ ყველაფერს ბევრი ახსნა სჭირდება. ეს სპორტია, რომელიც პრობლემის გარეშე არ არსებობს. მარცხზე პასუხისმგებლობას საკუთარ თავზე ვიღებ. დამნაშავე - მწვრთნელია, მოთამაშეებიც, მაგრამ ისინი ხომ ადრე იმარჯვებდნენ.
პირველი ტაიმის შემდეგ (0:2) სიტუაცია უკვე ძალიან რთული იყო, ჩვენ ვცდილობდით თამაშში დაბრუნებას, მაგრამ გოლი გავუშვით, შემდეგ კი მეოთხე. არა, პსჟ-მ არაფრით გაგვაკვირვა. ჩვენ მათ პრესინგზე მატჩის წინ ვსაუბრობდით, თუმცა ეს იმას არ ნიშნავს, რომ ჩვენ შეგვიძლია მათ გავუმკლავდეთ. ბევრ ასპექტში დავმარცხდით. ფრანგებმა ისე ითამაშეს, როგორც ველოდით, გუნდმა თავისი საუკეთესო თამაში აჩვენა.
მაგრამ მე არ ვკარგავ იმედს - ჩვენ ხუთი გოლი უნდა გავიტანოთ. საკუთარ მოთამაშეებში ბოლომდე დარწმუნებული ვარ." - განაცხადა, ენრიკემ.
შეგახსენებთ, რომ განმეორებითი შეხვედრა - 8 მარტს ესპანეთში გაიმართება.
ამ სიახლეზე კომენტარები გათიშულია.
კომენტარები [ 26 ]